拿樸迪由法國轉籍西班牙　征戰歐國盃

即上《韓職刨績王》：https://win.on.cc/football/league/kd1/index.html　

曼城中堅拿樸迪最近完成轉籍手續，放棄法國國籍，轉為入籍西班牙，此後佢將會有資格代表西班牙國家隊上陣，由於西班牙唔夠中堅，佢入籍後將獲得重用。

拿樸迪喺法國出世，法國各級青年軍佢都踢過晒，踢到U21之後冇得再踢，一直等待迪甘斯征召，但一直冇回音，26歲嘅佢係時候作出抉擇，於是入籍西班牙，希望能夠展開國際賽生涯。

喺青年軍年代，拿樸迪曾效力畢爾包，早年出道亦為畢爾包踢過4年西甲，上陣161場入7球，所以入籍西班牙亦好方便。拿樸迪表示：「我為法國青年隊踢咗5年，一直未獲成年隊徵召，令我非常失望。」完成入籍手續後，相信西班牙好快會徵召佢，話唔定會入選今夏歐國盃名單添喎。