雲迪積克宣布：我唔會踢歐國盃

《串績王》新登場，最強博彩盤路過關神器：http://win.on.cc/football/　

利物浦中堅華基爾雲迪積克周三(12日)確認，佢唔會代表荷蘭出戰今夏歐國盃，將會專心養好傷勢，留待新球季為利物浦上陣。不過荷蘭冇咗佢鎮守後防，都幾大鑊。

29歲嘅VVD養傷咗大半季，去年10月默郡打吡戰對愛華頓一仗膝部韌帶撕裂，接受手術後一直休息至今，近日雖已復操，但距離復出仲有漫漫長路，就算依家好番，都唔會有比賽狀態參加歐國盃。

VVD表示：「我覺得呢個係正確決定，我嘅狀態無法應付歐國盃，我將會把握休季時間爭取盡快康復，將焦點集中喺利物浦嘅季前集訓，咁樣係最現實。」