歐聯決賽移師波圖舉行 各有6000觀眾

2021年05月13日 23:05
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
歐洲足協決定,5月29日歐聯決賽曼城對車路士,將由土耳其伊斯坦布爾移師葡萄牙波圖舉行,兩隊各容許6000名觀眾入場打氣;波圖主場看台底色都係藍色,同兩隊襯晒色。
土耳其疫情持續爆發,無法舉行賽事,歐洲足協決定更改決賽場地,英國政府曾建議,由於兩支決賽球隊皆來自英超,希望決賽安排在溫布萊球場舉行,不過歐洲足協認為行唔通。
歐聯決賽唔可以喺英國舉行,主要係礙於英國嘅防疫禁令太嚴苛,來自不同國家人士都要檢疫或隔離,令歐聯決賽許多嘉賓及重要人物無法出席,於是歐洲足協選取禁令較寛鬆嘅葡萄牙,將賽事安排喺波圖嘅火龍球場舉行。
火龍球場可容納5萬人,葡萄牙政府原本只容許1成觀眾入座率,今次為配合歐聯決賽,將人數上限提升到2萬人,其中1.2萬觀眾為對賽雙方球迷。