奧脫福淪陷　曼聯主場失波創半世紀最多

美職開鑼，即上《美職刨績王》：https://win.on.cc/football/league/mls/index.html　

曼聯喺英超「雙紅會」主場2比4不敵利物浦，今季聯賽主場已失咗27球，自1971/72年球季之後，主場失波最多嘅1季，同埋曼聯今季聯賽主場已經輸6場，仲多過前2季聯賽主場敗仗總和。

今季英超主場失波最多嘅球隊係已篤定降班嘅西布朗(34球)，第2係失咗29嘅紐卡素，跟住就係失27嘅曼聯，可見紅魔鬼主場防線表現，猶如魚腩級數。

另外，曼聯2018/19年球季英超主場只輸3場，上季主場輸2場，但今季已經輸6場，反而成為聯賽唯一作客不敗之師，都算反傳統。