有心病？文尼拒絕同高普擊拳

美職開鑼，即上《美職刨績王》：https://win.on.cc/football/league/mls/index.html　

利物浦喺英超「雙紅會」擊敗曼聯，但「紅軍」前鋒沙迪奧文尼似乎唔多開心，賽後更加黑面，拒絕同領隊高普擊拳慶祝，令人懷疑呢位塞內加爾國腳已經下定決心今夏離隊。

比賽結束之後，高普行入球場，用擊拳方式代替握手，當佢同曼聯中場麥湯米尼擊拳之後，伸手想同沙迪奧文尼擊拳，但呢位前鋒望完佢一眼之後，直行直過，仲掟嘢落地，態度非常惡劣，難怪紅軍名宿桑拿士、前曼聯隊長堅尼都批評沙迪奧文尼太冇禮貌。

據悉，沙迪奧文尼不滿高普臨時變陣，將佢貶為後備，由迪亞高祖達擔任正選，文尼今場74分鐘先至後備上陣。高普亦承認好遲先至決定改變正選陣容，冇時間同文尼解釋，明白文尼感受，但相信唔會影響球隊士氣。