韋斯力撐美臣蒙特做車仔新隊長

美職開鑼，即上《美職刨績王》：https://win.on.cc/football/league/mls/index.html　

車路士中場美臣蒙特今季表現大勇，各項賽事已經射入9球，更被稱為「新林柏特」，前車仔隊長韋斯亦非常欣賞呢位後輩，更加睇好佢可以成為下一任車路士隊長。

54歲嘅韋斯球員時代曾經以隊長身份協助車路士奪得英足盃冠軍，佢話：「美臣蒙特係正宗車路士人，自細喺車路士受訓，佢熟悉球會嘅一切，亦深愛車路士，同前隊長泰利好相似，美臣蒙特將來都可以成為車路士隊長。」

年僅22歲嘅美臣蒙特現時已經係車仔第5隊長，前面4位隊長排名，分別係艾斯派古達、佐真奴費路、堤亞高施華、尼高路簡迪，呢4人年紀都唔細，美臣蒙特坐正做車仔隊長指日可待。