曼城打「鵲」 半場速食紐卡素

20210514
東網電視
更多新聞短片
最強博彩盤路過關神器《串績王》:http://win.on.cc/football/ 
周六(15日)凌晨英超獨腳戲,紐卡素主場迎戰曼城。「喜鵲」紐卡素上場大勝李斯特城,穩住英超資格,曼城亦已經提早奪冠,雙方都以輕鬆心情上陣,相信會多用副選,但曼城副選質素遠勝紐卡素,包括「喜鵲剋星」阿古路亦會上陣,而且近5次交手「藍月亮」4次半場領先,一於捧半場客勝。(Now 621及611周六凌晨3時直播)
紐卡素季前喺般尼茅夫收購哥林威爾遜及賴恩費沙,本來被寄予厚望,球隊希望可以前10名完成賽季,點知二人季中接連受傷,打亂部署。「喜鵲」現時35場只入40球,當中12球係由哥林威爾遜未受傷前射入,可想而知佢哋進攻能力幾咁差,今季唔使降班,皆因仲有球隊衰過佢哋,至於上仗4比2擊敗李斯特城亦只係曇花一現。
曼城英超提早奪冠,更殺入歐聯決賽,主帥哥迪奧拿全副精神放晒喺月底嘅歐聯,今場將會派遣副選上陣。阿古路聯賽對車路士射12碼宴客,受到各界抨擊,預料呢位老將喺歐聯不獲重用,因此今場對紐卡素呢類無關痛癢嘅賽事會,將獲正選上陣。
阿古路腳風特別順
不過,對阿古路嚟講,紐卡素絕對係佢嘅「私房菜」,有大量美好回憶,包括2015年10月曼城大勝6比1,「阿古獸」喺23分鐘內射入5球,成為自英超成立以嚟,最短時間「五福臨門」嘅球員。喺2019年1月作客聖占士球場,阿古路只係用咗24秒就攻入「喜鵲」大門,亦由呢場開始計起,曼城近5次對紐卡素,4次半場已經領先,今場捧半場客勝合情合理。