巴塞800萬歐簽阿古路　另加特別任務

足球博彩神器，每日重心提供盡在《彩報》：http://win.on.cc/football/　

阿古路約滿離開曼城後，好大機會重返西甲，加盟巴塞隆拿。當地著名記者基斯拉透露，巴塞向阿古路開出年薪800萬歐元，為期2年合約，佢同時仲有個特別任務，就係幫手勸美斯續約。

阿古路回復自由身，有唔少球會向佢招手，有好多都係英超球會，佢本身亦想留喺英超，希望打破英超入球紀錄，不過去巴塞都係唔錯嘅選擇，西甲環境佢都熟悉，而且仲有佢國家隊老友美斯喺度。

巴塞上場賽和利雲特之後，西甲爭標機會渺茫，據報道當時美斯成個灰晒，依家同佢傾續約唔係好時機，如果由佢老友阿古路開解佢，再幫口叫佢留低，成功機會更大。