韋斯咸前4凍過水　曼聯都有損失

美職開鑼，即上《美職刨績王》：https://win.on.cc/football/league/mls/index.html　

周日(16日)凌晨英超，韋斯咸僅於完場前3分鐘入波，作客逼和下游球隊白禮頓1比1，現時落後第4位車路士5分，餘下2場聯賽想打入前4位，奪取下屆歐聯入場券，恐怕機會非常渺茫。

雖然韋斯咸今季整體成績遠勝白禮頓，但近期狀態麻麻，過去4場輸3場，今場亦未能佔到優勢，更加喺84分鐘，被白禮頓前鋒韋碧克單刀射入。雖然韋斯咸3分鐘之後，由賓華馬射入扳平，但最終都只能打和1比1，又失2分。

韋斯咸唔止落後第4位車路士5分，亦比第5位利物浦少1分，兼踢多「紅軍」1場，入前4位已經近乎絕望。

值得一提，曼聯外借中場連格畀韋斯咸之後，如果「錘仔幫」可以取得歐聯資格，曼聯可以獲得50萬鎊獎金，但以目前情況睇，紅魔鬼今次都係見財化水。