尷尬了 車路士面臨三失危機

20210516
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
車路士喺英足盃決賽不敵李斯特城,連續2屆屈居亞軍,球隊嚟緊仲要面臨2場關鍵大戰,包括英超主場對李斯特城,呢場關乎能否力保前4位,奪取下屆歐聯入場券,重頭戲一定係歐聯決賽對曼城,如果車仔呢2場波再有乜閃失,隨時半個月內成為「三失」球隊。
車仔由杜曹領軍之後,表現大為改善,重返英超前4位之餘,仲打入英足盃及歐聯決賽。不過,杜曹似乎未擺脫盃賽二奶命,佢上季帶領巴黎聖日耳門,打入歐聯決賽,最終不敵拜仁慕尼黑,加上今次英足盃決賽輸畀李斯特城,「車迷」難免會擔心杜曹今屆歐聯決賽又會重蹈上屆覆轍。
英超方面,車路士落後李斯特城2分,如果未能喺周三(19日)凌晨擊敗「狐狸兵團」,車仔爭前4位形勢就會告急,因為第5位利物浦只係落後車仔4分,而且踢少1場,加上最後3場對手只係西布朗、般尼、水晶宮,好大機會全勝,隨時可以反超前入前4位。若然車仔由三線叫胡,變成三失,咁就真係尷尬。
杜曹話冇時間諗咁多:「依家係時候重新振作,再次表現出鬥志,踢出信心。錯失一個冠軍,的確令人難過,但仲有另一項賽事,餘下2場英超對李斯特城、阿士東維拉都要當決賽咁踢,然後係歐聯決賽,我哋唔可以浪費時間去懺悔。」