港超聯 榮膺MOM 陳肇鈞:獎金要儲起佢

20210516
東網電視
更多新聞短片
陳肇鈞(左)是役梅開二度,協助球隊大勝一場。(林卓臻攝)
「中銀人壽香港超級聯賽」「護級組」首輪戰畢,周日(16日)兩場賽事除了決出勝負方之外,亦由港隊主教練麥柏倫,選出每場的「最佳球員獎」(MOM)得主,其中於晉峰對標準流浪一戰梅開二度的陳肇鈞,被選為尾場得獎者。賽後「Philip仔」透露自己會如何處理這筆獎金。
今場出任進攻中場的陳肇鈞,上半場早段已經為流浪取得2球領先優勢,3月初加盟球隊,「Philip仔」終於取得於流浪的「開齋波」,這位28歲中場認為自己早就應該斬獲處子球:「係遲咗嚟,早一排自己狀態未有;早幾場波我哋用咁嘅踢法、用咁嘅鬥志去踢,一早就已經攞咗第5位,甚至上到第4,不過唔緊要,一入就入兩球;希望嚟緊幾場保持良好發揮,贏埋南區攞到第5位,畀教練同老闆一個交代。」
「最佳球員獎」得主會獲得1萬元獎金,「Philip仔」表示未想好該如何運用這筆錢,笑言形容現時球市艱難,要將獎金儲起:「下一季唔知有冇班落,所以會儲起佢(獎金);請啲隊友食飯就肯定會,睇下攞幾多出嚟。」今仗能夠大比數擊敗對手,「Philip仔」認為除了因為流浪一班球員狀態上乘之外,亦與對手晉峰的低迷表現不無關係,他直言今場球隊本可以取得更多球,對能夠踢出這個場面感到開心。
至於頭場冠忠南區對愉園的賽事,就由列文奪得賽事MOM,這位南區主教練烈日下,於場上與隊友由開賽奮戰至最後一刻,他形容今場比賽是一場苦戰:「真係好攰,呢場波我哋投入唔少血汗,但兩隊都要面對同一個天氣環境,冇人會攞到着數,最後我哋係靠鬥志同毅力,先至攞到呢3分。」