哈神入波助熱刺保住前4希望

最強博彩盤路過關神器《串績王》：http://win.on.cc/football/　

周日晚（16日）英超焦點戰，熱刺射手哈利卡尼雖然頻頻做「柱男」，但佢仍有士哥，賀積查治更入波兼助攻，協助熱刺於主場以2比0擊敗狼隊，保持爭前4機會。「哈神」累積22個英超入球，繼續向神射手寶座進發。

熱刺今仗強陣出擊，哈利卡尼、孫興民同加里夫巴利悉數擔正，開波冇耐哈利卡尼即勁射中柱，加里夫巴利妙傳罰球被接實，好彩完半場前賀積查治長傳，哈利卡尼扭過門神魯爾柏迪斯奧先拔頭籌。易邊後「哈神」入楔快射，被魯爾柏迪斯奧救到再中柱，迪利阿里立即補射又中柱，去到62分鐘，巴利於右路窄位抽射被救出，賀積查治補中成2比0完場。

熱刺全取3分後，仍保存爭下屆歐聯入場券嘅機會，而「哈神」再入1粒，以22球暫時領先神射手榜，比同日未比賽嘅利物浦前鋒穆罕默德沙拿多1球。