朗奴高文99%被炒　沙維將回巢教巴塞

最強博彩盤路過關神器《串績王》：http://win.on.cc/football/　

巴塞隆拿喺周一(17日)凌晨西甲，領先之下倒輸收場，以1比2不敵切爾達，正式緣盡今季聯賽錦標。西班牙傳媒指巴塞教練朗奴高文有99%機會將於球季結束後被炒，會方計劃邀請名宿沙維回巢執教。

巴塞隆拿今季由朗奴高文執教後，表現令人失望，歐聯16強出局，西甲亦長期落後，只奪得西班牙盃。球隊喺季尾衝刺階段亦頻頻失分，近5場聯賽只有1勝2和2負，早前當選巴塞新會長嘅拉波塔，為咗令球隊下季重振雄風，換帥勢在必行。

據悉，拉波塔視沙維為新帥頭號人選，呢位41歲前西班牙國腳現時執教緊卡塔爾球隊艾薩德，早前續約至2023年。不過，有傳沙維合約之中有特別條款，如果巴塞邀請佢執教，艾薩德就必須放人。