皇馬密斟阿里基領軍　西媒爆佢已接受邀請

美職開鑼，即上《美職刨績王》：https://win.on.cc/football/league/mls/index.html　

皇馬教練施丹好大機會今季結束後離隊，會方亦開始物色新帥，西班牙《馬卡報》爆料，指前祖雲達斯教練阿里基最大機會接替施丹，西班牙記者羅馬諾更加聲稱「銀河艦隊」已派人接觸阿里基，呢位53歲意大利名帥亦答應加盟。

《馬卡報》指皇馬曾經有意提升青年軍主帥魯爾執教一隊，但呢位名宿教波經驗尚淺，會方更傾向聘請阿里基。西班牙記者羅馬諾指皇馬早於3月已經同阿里基有接觸，近一星期更加展開會談，似乎快將成事。

據悉，祖雲達斯、拿玻里都有意聘請阿里基領軍，但佢本人優先考慮皇馬嘅邀請，所以一旦施丹正式宣布離隊，阿里基就好大機會可以立即上「艦」。

阿里基曾經率領AC米蘭及祖雲達斯奪得意甲冠軍，執教祖記期間更加連續5季奪得聯賽冠軍，仲有2次打入歐聯決賽，絕對係有料之人。