【官宣】普捷天奴助重生　達斯拿續約PSG

足球博彩神器，每日重心提供盡在《彩報》：http://win.on.cc/football/　

法甲豪門巴黎聖日耳門(PSG)周二(18日)宣布，球會成功同德國中場達斯拿續約3年，新合約去到2024年完結，粉碎佢會轉戰英超嘅傳聞。現年27歲嘅達斯拿原本已被球會放棄，但自從普捷天奴季中上任，達斯拿表現脫胎換骨，終於成功獲得新合約。

達斯拿同PSG正式續約後表示：「我好愛呢間球會同埋巴黎呢個城市，能夠同咁多偉大球員一齊比賽係一件樂事，好開心可以同球會達成續約協議。」達斯拿喺2017年由禾夫斯堡加盟，不過發展唔係咁順利，上季更加1球波都冇入過，今季季初亦被杜曹打入冷宮，但自普捷天奴上任後，達斯拿就成為球隊主力之一。

早前有傳阿仙奴同列斯聯都打達斯拿主意，不過普捷天奴就堅持要球會同佢續約，最終雙方亦順利達成共識。