英超名人堂第3人：簡東拿！

《串績王》新登場，最強博彩盤路過關神器：http://win.on.cc/football/　

繼舒利亞及亨利後，英超官方宣布第3位入選英超名人堂球星，就係曼聯奧脫福大帝簡東拿！

英超官方社交媒體留言，形容簡東拿今次入選：「竪着衣領，氣宇軒昂，環顧四側，睥睨天下！作為奧脫福大帝及法國人嘅英超先驅，佢喺英超歷史上寫下自己名字，我哋好高興宣布，簡東拿成為英超名人堂名員！」

簡東拿效力過列斯聯同曼聯，在曼聯時期，佢5個球季上陣185場入82球，贏得4次英超冠軍。

英超官網亦上載簡大帝嘅得獎感受片段，佢不忙寸咀：「我開心同自豪，但唔意外。當然，參加英超係我嘅夢想，係每個人嘅夢想，好幸運能效力曼聯，同許多出色球員、領隊、球迷一起，曼聯要贏晒嘅球隊。」

佢仲特別解釋點解竪起衣領：「有場比賽我竪起衣領，結果贏波，於是我就一直咁做落去。」