河床20位球員確診　唔夠人踢自由盃

足球博彩神器，每日重心提供盡在《彩報》：http://win.on.cc/football/　

阿根廷勁旅河床有20位球員確診新冠肺炎，包括4位門將全部中招，會方曾經向南美足協提出，將原定香港時間周四(20日)早上舉行嘅自由盃分組賽對聖達菲改期，以便重新注冊2位門將，但已經被南美足協拒絕，河床到時只有10位球員可用，唔夠11人比賽。

河床上周六(15日)已經公布15位球員確診，最近1次檢測再有5人中招，最大鑊係4位門將都確診。由於南美足協拒絕延後比賽，河床現時只有10位健康球員可以出賽，仲要冇門將，今場真係凶多吉少。

另外，由阿根廷同哥倫比亞合辦嘅美洲國家盃將於香港時間6月14日凌晨開幕，由於哥倫比亞發生內亂，阿根廷有意申請獨自舉辦。