德媒爆料 韋拿杜姆投拜仁好事近!

20210522
東網電視
更多新聞短片
即上《美職刨績王》:https://win.on.cc/football/league/mls/index.html 
利物浦中場韋拿杜姆同球會合約下個月完結,雖然「紅軍」極力遊說呢位荷蘭國腳續約,但遲遲未能達成協議,領隊高普亦證實煞科戰對水晶宮可能係韋拿杜姆「last day」。據德國媒體報道,拜仁慕尼黑已經同韋拿杜姆代表進行斟介,轉會「好事近」。
30歲嘅韋拿杜姆效力利物浦5年,但合約只剩1個月情況下,已經可以自由同任何球會斟介,領隊高普喺煞科戰前亦暗示呢位中場會離隊:「呢一刻冇嘢好講(關於韋拿杜姆離隊),佢哋性格唔需要懷疑,韋拿杜姆係個好出色嘅人,佢會全力效忠球會直到last day。」
據德國媒體《SPORT1》報道,拜仁慕尼黑已經同韋拿杜姆代表進行斟介,而且仲話「進展非常之好」,而且韋拿杜姆可以自由轉會,令交易完成「好樂觀」。拜仁新教練拿高斯文向來鍾意更換中場陣式,可以勝任中場或進攻中場嘅韋拿杜姆,自然成為拿高斯文嘅心頭好。