不來梅降班　德甲一季痛失兩支老牌球隊

足球博彩神器，每日重心提供盡在《彩報》：http://win.on.cc/football/　

周六(22日)晚德甲煞科，雲達不來梅主場2比4不敵慕遜加柏，被贏波嘅科隆反超前，跌落尾2，近41年首次降班。加上史浩克04早前已經篤定包尾降班，意味下季德甲將痛失兩支著名老牌球隊。

雲達不來梅屬於1963/64年球季德甲創始球會，捧過4次德甲冠軍，對上1次係2003/04年球季，亦曾經6奪德國盃冠軍。

雲達不來梅此前只曾於1979/80年球季降班，僅過1季就重返德甲，佢哋喺德甲歷史總成績上，更加係排第3位，今次降班實在令人唏噓。

雲達不來梅同史浩克04下季降落德乙，加上漢堡未能升班，變相令下季德乙更加有睇頭。