馬古尼隨隊　可能最後一刻復出

最強博彩盤路過關神器《串績王》：http://win.on.cc/football/　

曼聯隊長哈利馬古尼早前英超對阿士東維拉，不幸受傷，原本預計佢會缺陣周四(27日)凌晨歐霸盃決賽對維拉利爾，不過呢位中堅有隨隊出發，曼聯領隊蘇斯克查表示，馬古尼將於周二(25日)稍後時間，或者周三(26日)進行體測，再決定是否畀佢上陣。

雖然哈利馬古尼未必可以上陣，但蘇斯克查認為佢即使喺場邊都可以發揮領袖作用，大讚佢早前缺陣期間，仍然落力指揮隊友比賽，好有領袖風範。

根據歐洲足協規定，決賽雙方球員名單，各自最多只可以有23人，曼聯今次帶咗26人，包括上場英超入波嘅19歲前鋒安東尼艾蘭加，另1位19歲小將阿密特迪亞路都有份，但係安東尼馬迪爾名落孫山，一定缺陣。