艾寧夏蘭特當選德甲最佳　球迷插爆：搶劫

即上《美職刨績王》：https://win.on.cc/football/league/mls/index.html　

多蒙特首席射手艾寧夏蘭特周二獲選為今季德甲嘅最佳球員，壓倒拜仁球星羅拔利雲度夫斯基當選，呢個結果引起球迷不滿，更直言「羅拔仔」公然被搶走呢個「德甲足球先生」嘅寶座。

32歲嘅羅拔利雲度夫斯基今季攻入41球，並協助拜仁奪得德甲冠軍，然而多蒙特嘅艾寧夏蘭特今季表現都搶鏡，為球隊攻入27球及8次助攻。呢位20歲嘅挪威小子喺個人社交平台上載咗自己捧住最佳球員獎座嘅相片兼留言:「 好榮幸當選德甲最佳，呢個獎唔係畀我自己，係屬於所以多蒙特嘅大家庭，呢個獎係我哋一齊攞到。」

不過，好多球迷就極不滿意呢個結果，更為羅拔利雲度夫斯抱不平，直言佢被搶劫咗個獎，「羅拔利雲度夫斯基被搶劫」、「我好鍾意你（夏蘭特），但羅拔利雲度夫斯基更值得攞」、「根本就係騙子」...，一大堆都係柴台嘅評論。