怪錯佢啦　華拿上車首季表現好過杜奧巴

最強博彩盤路過關神器《串績王》：http://win.on.cc/football/　

迪姆華拿今季加盟車路士之後，表現備受批評，被嘲諷為「新費托」、「舒夫真高2.0」。不過，迪姆華拿上「車」首季進攻數據，其實比傳奇射手杜奧巴效力車仔第1季時期更加出色。

杜奧巴2004年由馬賽轉投車路士，首季各項賽事上陣41場，射入16球及8次助攻，合共創造24個入球。至於迪姆華拿今季為車仔披甲51次，射入12球及15次助攻，達到入波助攻「雙雙」數字，合共創造27個入球，比杜奧巴多3球。

問題係迪姆華拿經常越位，今季英超有43次被吹越位，其中8次射波入網，但因為越位食詐朝，難免令人覺得佢係敗家仔。

周日(30日)凌晨歐聯決賽，曼城對車路士，迪姆華拿真係要打醒十二分精神，提防再跌入越位陷阱。