4奪歐霸冠軍　艾美利同費Sir摩連奴睇齊

足球博彩神器，每日重心提供盡在《彩報》：http://win.on.cc/football/　

維拉利爾正史性首度贏得歐霸盃冠軍，今季新上任嘅教練艾美利再次顯示出「歐霸專家」呢個名唔係浪得虛名。艾美利過去5次帶領球隊踢歐霸盃全部殺入決賽，當中4次成功捧盃，今次奪冠令佢超越意大利名宿查帕東尼3次贏歐霸盃/歐洲足協盃紀錄；艾美利亦追平費格遜、摩連奴同告魯夫4次贏得歐洲賽冠軍紀錄，僅次於曾5次稱霸歐洲嘅查帕東尼。

艾美利自2014年開始，參加過5次歐霸盃全部都入到決賽，佢先係2014年、2015年、2016年率領西維爾3連霸，之後兩年轉教巴黎聖日耳門踢歐聯成績麻麻，加盟阿仙奴後再戰歐霸盃，立即又殺入2019年決賽，可惜輸畀車路士無緣捧盃。上季佢喺季中被阿仙奴炒魷未能完成球季，今季執教維拉利爾第4度贏得冠軍。