巴拿貝球場重建失火　濃煙籠罩馬德里

足球博彩神器，每日重心提供盡在《彩報》：http://win.on.cc/football/　

正在進行翻新工程嘅皇家馬德里主場巴拿貝球場發生火警，濃煙籠罩馬德里，幸事件中無人受傷。

火警發生喺當地時間周三（26日）晚上，有網民喺附近民居影到，正在進行重建中嘅巴拿貝球場，近球場頂部一個位置着火並產生大量濃煙。

當地消防部門表示，有工人喺燒焊時辣着部分隔熱板造成火警，火勢於消防到場前已被工人救熄，並冇人受傷。

巴拿貝球場翻新工程於2020年展開，預計喺2022年夏天前完工，翻新工程包括增設可伸縮嘅上蓋，草地場改成可拆卸形式，以便球場用作其他用途如演唱會等，連同附近配套，希望打造成馬德里新旅遊景點。