施利臣確診肺炎退隊 荷蘭有滅「門」之災

20210602
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
荷蘭國家隊正選門將施利臣因為確診新冠肺炎,被逼退隊,將無緣今屆歐國盃決賽周,荷蘭主帥法蘭迪保亞已經補選阿爾克馬爾門將比蘇治入26人大軍名單,但預料佢只會成為第3門將,至於正選門將之位,無論由38歲老將史基倫堡,亦或效力諾域治嘅告魯爾擔任,恐怕都難令人安心。
效力華倫西亞嘅施利臣曾經為荷蘭上陣60次,屬於必然正選,但不幸確診新冠肺炎,領隊法蘭迪保亞表示,由於歐國盃即將展開,為球隊利益着想,只能放棄呢位鋼門:「我通知咗施利臣呢個決定,我知佢好難受,但佢確診新冠肺炎,會錯過大部份備戰操練,亦唔知佢幾時可以恢復100%狀態,我唔可以冒險,必須換人。」
施利臣退隊之後,正選門將位置成為史基倫堡、告魯爾之爭,效力阿積士嘅史基倫堡曾經58次為荷蘭上陣,但佢已經38歲,體力上輸蝕。
至於33歲告魯爾過去3季有2季為諾域治踢英冠,實力亦令人懷疑,門將位置無疑已成為荷蘭最弱一環。荷蘭屬於歐國盃C組,同組對手有奧地利、北馬其頓、烏克蘭。