桑馬達有望續約曼聯　但有條件

足球博彩神器，每日重心提供盡在《彩報》：http://win.on.cc/football/　

曼聯周五(4日)公布離隊名單，3號門將羅美路，以及外借到哈特斯菲爾德嘅門將卡斯度彭利拿離隊，仲有多名青年軍被送走，反而老將桑馬達同李爾格蘭獲續約，其中年屆33歲嘅桑馬達留低有2個條件，1係接受減薪，2係無上陣保證。

桑馬達周薪為12萬鎊，如果再減人工，可能得番幾萬鎊。其實桑馬達真係天生贏家，球員生涯乜都贏過，喺西班牙國家隊贏過世界盃同歐國盃，效力車路士又贏過歐聯同歐霸盃，嚟到曼聯都捧過歐霸盃、英聯盃同英足盃。

雖然曼聯要年輕化，但亦需要有桑馬達呢類見慣大場面嘅老波骨存在，佢今季為曼聯上陣18場入3球，聯賽亦有9次上陣，近日桑馬達嘅母會華倫西亞有意簽佢回巢，究竟佢選擇留喺曼聯，定返母會養老，相信今個月底會有答案。