皇馬肯畀分手費　大聖爺歐國盃後掛靴

足球博彩神器，每日重心提供盡在《彩報》：http://win.on.cc/football/　

近日盛傳威爾斯國腳加里夫巴利準備歐國盃後掛靴，雖然其經理人一再否認，但西班牙傳媒繼續爆料，有消息指巴利唔打算再踢波，只要皇馬肯畀「分手費」，巴利就會提前一年解約。

巴利在皇馬享有最高嘅周薪65萬歐元，一年人工要成3380萬歐元以上，今季佢外借到熱刺，皇馬仍要畀一半人工，即係1690萬歐元，來季巴利將會重返皇馬完成最後一年合約，佢嘅人工亦冇可能有其他球會接手，亦未必可以再外借。

據報道，如果巴利歐國盃後掛靴，就會同皇馬商討解約賠償，皇馬可以慳番2200萬歐元，亦即係同巴利嘅「分手費」大約係1000萬多啲，大家都好。

消息又指，雖然再度入主皇馬嘅安察洛堤有意召回巴利，希望佢幫手打江山，但傳媒爆料指，當年「肥安」被皇馬炒魷，主要原因係巴利向高層「篤背脊」，兩人實際上係有仇口，合作機會好微。