黑到極點！雲迪碧克受傷退出荷蘭隊！

足球博彩神器，每日重心提供盡在《彩報》：http://win.on.cc/football/　

荷蘭國家隊周二(8日)宣布，曼聯中場雲迪碧克因傷退出國家隊，不會隨隊征戰歐國盃。荷蘭亦不作補選，以現時25名球員參賽。

雲迪碧克2017年首次入選荷蘭，至今上陣19場入3球，佢喺阿積士發揮出色，被視為荷蘭新星之一，不過上季做咗個最差嘅決定，就係加盟曼聯。轉會「紅魔鬼」後不獲重用，曼聯中場冇位畀佢踢，結果淪為後備，全季上陣36場入1球，多數都係後備出場，比賽時間有限。

今夏歐國盃，係雲迪碧克顯示身價嘅機會，荷蘭最近2場熱身賽都有上陣，可惜嚟到臨揭幕前受傷，被迫退出國家隊，對於雲迪碧克嚟講，今季去到呢一刻可以話係災難級嘅結局！