彈出彈入！巴西唔罷賽玩番美洲盃

《串績王》新登場，最強博彩盤路過關神器：http://win.on.cc/football/　

巴西《環球體育》報道，對於巴西眾星釀醞罷踢今屆美洲國家盃，事情已告一段落，巴西將會如常參賽。

報道指，雖然巴西如常參賽，但眾球星嘅態度都係唔情願，佢哋係身不由己，因為受到來自政府、巴西足協同球迷嘅多重壓力，結果佢哋都係要死死地氣參賽。

報道指，巴西國家隊將於周三(9日)早上踢畢巴拉圭嘅世盃外之後，會就今屆美洲盃明確表態，《環球體育》事先已經收到風畀到答案，希望佢哋冇收流料啦！

至現時，阿根廷及玻利維亞已表態參賽，烏拉圭同哥倫比亞就有啲猶豫不決，睇嚟佢哋都係跟大隊，依家如果巴西唔罷踢照玩，唔理眾球星內心係咪唔情願，總之有人有隊，齊晒腳就可以開波啦。