阿仙奴斟葡萄牙中場頂替格列沙加

最強博彩盤路過關神器《串績王》：http://win.on.cc/football/　

阿仙奴今夏中場進行換血，效力球隊長達5年嘅瑞士中場格列沙加，據報正同意甲勁旅羅馬斟介，有望喺歐國盃決賽周展開前落實交易。消息指阿仙奴亦已鎖定接班人，目標就係狼隊嘅葡萄牙中場魯賓尼維斯，據報佢嘅轉會費達3,500萬鎊。

意大利傳媒報道，羅馬新教練摩連奴對格列沙加志在必得，首次開價低於阿仙奴要求嘅2000萬鎊被拒絕後，球隊已準備提高開價，希望以浮動獎金嘅方式滿足阿仙奴要求，消息指雙方談判進展良好，有望喺今個星期內完成交易。

英國《獨立報》報道，阿仙奴放走格列沙加後，將會正式斟介葡萄牙中場魯賓尼維斯，狼隊已同意賣走呢位24歲葡萄牙國腳，但索價3,500萬鎊成為最大阻礙，消息指阿仙奴有可能加入美蘭尼爾斯作為交易條件。