即將官宣！當拿隆馬入「門」已揀定號碼

最強博彩盤路過關神器《串績王》：http://win.on.cc/football/　

意大利國家隊正選門將基安盧基當拿隆馬，即將以自由身加盟法甲豪門巴黎聖日耳門(PSG)，據悉雙方將會簽下一份年薪高達1,200萬歐元嘅合約，為期5年，當拿隆馬甚至已經向PSG方面提出要求着番佢喺AC米蘭嘅99號球衣。

基安盧基當拿隆馬今夏約滿離開AC米蘭之後，成為祖雲達斯、PSG嘅爭奪目標，由於祖記只願意開出600萬歐元年薪合約，未能吸引呢位22歲天才門將加盟，惟有退出爭奪戰，令PSG可以順利簽入基安盧基當拿隆馬。

PSG現時陣中已經有2位意大利國腳有份出戰今屆歐國盃，包括馬高華拉堤、費奧倫斯，意味當拿隆馬下季可以同呢2位國家隊隊友做埋球會隊友。

雖然PSG將會簽入基安盧基當拿隆馬，但原本正選門將基羅拿華斯仍然會留隊，當拿隆馬未必可以穩坐正選。