巴西公布24人名單　36歲施華回歸再戰美洲盃

最強博彩盤路過關神器《串績王》：http://win.on.cc/football/　

巴西國家隊公布出戰今屆美洲國家盃嘅24人名單，以尼馬為首嘅森巴球星早前反對巴西接辦美洲盃，一度威脅罷踢，結果最後都係妥協，繼續為國出征。巴西領隊迪迪更加補選36歲嘅車路士中堅堤亞高施華，以最佳陣容力爭衞冕呢項錦標。

巴西近日喺世界盃外圍賽，取得2連勝，相比踢世盃外大軍名單，唯一改動係放棄法林明高後衞洛迪高卡爾奧，補選堤亞高施華，並由呢位老將擔任隊長。

堤亞高施華上月協助車路士奪得歐聯冠軍，但佢喺決賽受傷，因而缺陣早前2場世界盃外圍賽，依家歸隊為巴西搏殺，可見佢仍然有心有力。

東道主巴西將於香港時間6月14日凌晨美洲國家盃揭幕戰對委內瑞拉，同組仲有哥倫比亞、厄瓜多爾、秘魯。