西班牙再徵召11人 組成17人B隊候命
20210610
東網電視
更多新聞短片
正在備戰歐國盃決賽周嘅西班牙國家隊近日先後有中場布斯基斯、中堅迪亞高洛蘭迪確診新冠肺炎，領隊安歷基繼日前召入6位球員，以備不時之需後，又再搵多11位球員入伍，令候選名單多達17人，猶如一支B隊，唔排除必要時大幅度更換球員名單。
安歷基今次新徵召嘅11人，全部來自西班牙U21小國腳，包括被譽為一早有能力擔任大國腳嘅皇家蘇斯達中場蘇比文迪，仲有巴塞隆拿後衞奧斯卡文古沙等人。
呢班西班牙U21小國腳早前代替大國腳，同立陶宛踢熱身賽，結果大勝4比0，絕對有級數，只係欠缺大賽經驗。
雖然安歷基搵來17人組成B隊，但仍然冇揀到皇馬中堅沙治奧拉莫斯，睇來佢已經完全放棄呢位老將。