三獅喜訊　哈利馬古尼復操穩軍心

足球博彩神器，每日重心提供盡在《彩報》：http://win.on.cc/football/　

「三獅兵團」英格蘭於歐國盃臨開打前，收到好消息，季尾一直受傷嘅中堅哈利馬古尼，周四（10日）終於跟大隊操練，預計於歐國盃期間可復出，主帥修夫基可鬆一口氣。

哈利馬古尼於周四出現喺聖佐治公園訓練場，跟隨英格蘭操練非常生猛，見到佢拉筋踢晒腿冇唔妥，亦有同隊友做有球訓練，全程笑晒口添，似乎傷勢已經冇乜大礙，只需盡快操起狀態。馬古尼於5月頭足踝韌帶受傷，令佢喺曼聯季尾嘅賽事都缺陣，包括歐霸決賽對維拉利爾，依家呢位中堅終於好番，雖然佢未必趕及歐國盃首輪對克羅地亞復出，但相信佢喺之後賽事能坐鎮防線，確可穩定軍心，最開心梗係主帥修夫基，唔使畀插佢帶個傷兵打大賽喇。