意大利新星揭幕前夕打柴　文仙尼急班兵

足球博彩神器，每日重心提供盡在《彩報》：http://win.on.cc/football/　

歐國盃周五(11日)揭幕，意大利主場迎戰土耳其前夕出現傷兵變動，羅馬24歲中場悍將羅倫素柏歷堅尼操練期間肌肉受傷，將錯過今屆歐國盃，國家隊急召費倫天拿中場卡斯度維利入伍頂上。

羅倫素柏歷堅尼早於2017年已入選大國腳，上陣17次入2球，預期會喺今屆歐國盃彈起，可惜日前操練時肌肉受傷，檢驗後確認無法應付今屆賽事，已被送返所屬球會羅馬治理。

至於新入選嘅卡斯度維利同樣24歲，係費倫天拿10號仔，國家隊僅代表2次，不過今次在羅倫素柏歷堅尼受傷，馬高華拉堤亦受傷，史提芬奴辛斯更加傷到唔踢得，睇嚟主帥文仙尼今次喺中場排陣方面都幾頭痕。