洛蘭迪2次檢測冇事！可以練番波

足球博彩神器，每日重心提供盡在《彩報》：http://win.on.cc/football/　

西班牙爆疫疑雲急轉彎，之前被驗出確診嘅列斯聯27歲後衞迪亞高洛蘭迪，經過2次檢測都驗唔出受感染，已經證實佢冇事，周五(11日)可以重返大隊操練備戰歐國盃。

自從驗出隊長布斯基斯確診新冠肺炎後，西班牙即時暫停操練，主帥安歷基急召6名球員候命，包括維拉利爾老將艾比奧爾等開始自行操練，之後再驗到迪亞高洛蘭迪有事，安歷基作最壞打算，叫齊U21球員組成B隊，以免到正式開波嗰陣冇晒人。

西班牙《馬卡報》最新消息傳來喜訊，原來迪亞高洛蘭迪冇事，周四(10日)早上兩次檢測都順利通過，冇受感染，可以重返大隊備戰。