【官宣】韋拿杜姆加盟聖日耳門

《串績王》新登場，最強博彩盤路過關神器：http://win.on.cc/football/　

歐國盃開鑼前夕，巴黎聖日耳門官方宣布，荷蘭國腳中場韋拿杜姆正式加盟，簽約至2024年6月，利物浦官方亦發文感謝佢5年來嘅貢獻，並祝佢有美好前程。

韋拿杜姆今夏與利物浦約滿，回復自由身，原本佢同國家隊隊友迪比一齊加盟巴塞隆拿，同前荷蘭主帥朗奴高文喺巴塞聚首，征戰西甲，不過就喺準備體檢前一刻，巴黎聖日耳門開出令佢冇法拒絕嘅條件，令事情反轉。

據報道，巴塞為韋拿杜姆開出500萬歐元年薪，本來睇在朗奴高文份上已經答應，但臨門一腳巴黎聖日耳門出兩倍價錢，即1000萬歐元年薪搶人，叫佢過檔，球員踢波都係為錢，而且聖日耳門牌面唔差過巴塞，30歲嘅韋拿杜姆揀隊好條件嘅亦好正常。