西班牙大軍臨急打疫苗 安歷基擔心副作用

20210611
東網電視
更多新聞短片
最強博彩盤路過關神器《串績王》:http://win.on.cc/football/ 
西班牙喺歐國盃決賽周前爆發疫情,據西班牙《阿斯報》報道,西班牙足總周四(10日)同衛生部達成協議,大軍會喺當地時間周五(11日)朝早接種疫苗,不過西班牙領隊安歷基就非常不滿,認為打針時間錯晒,擔心疫苗副作用會影響球員表現。
《阿斯報》消息指出,西班牙球員將會接種強生(Janssen)或者輝瑞(Pfizer)嘅疫苗,但西班牙喺下周二(15日)凌晨就要喺首場分組賽大戰瑞典,安歷基就不滿接種嘅時間:「足總早喺2個月前已經要求為球員注射疫苗,不過得到回覆係做唔到,我哋亦都接受同冇任何投訴。」
依家西班牙「出事」後即刻安排接種,由於時間緊逼,如果接種第1劑後有任何副作用,好可能會喺首場分組賽嘅時間展現,而第2劑時間就正正喺8強展開前,安歷基表示:「我哋知道疫苗係有可能會出現副作用,所以先至想盡早完成,如果球員喺比賽前出現不適徵狀,將會係最差嘅賽前備戰。」