俄羅斯最驚盧卡古　領隊預計開「入球騷」

即上《美職刨績王》：https://win.on.cc/football/league/mls/index.html　

俄羅斯喺歐國盃B組首仗大戰冠軍熱門比利時，領隊查切索夫賽前先笠對方高帽，大讚「歐洲紅魔」嘅入球能力極強，其中更重點表明要提防盧卡古。不過查切索夫對俄羅斯嘅進攻都一樣有信心，預言今場會係入球大戰。

查切索夫賽前表示：「大部份球隊都研究緊最有效嘅入球方法，但真正可以做到嘅只係得少數球隊，比利時就係其中一隊，盧卡古喺歐國盃開波前信心爆棚，要令佢安靜絕對係唔簡單嘅事。我哋同比利時交手過幾次，每次都踢得好精彩同製造好多入球。」

比利時前鋒線人才濟濟，不過查切索夫對俄羅斯嘅攻擊球員同樣有信心：「我哋有兩個球員可以創造出神奇嘅機會，就係阿歷斯米蘭卓克同高路雲，依家問題係點樣令佢哋一齊發揮自己所長，而呢個係個甜蜜嘅煩惱。」