【美洲盃】小組首名+冠軍 信晒巴西烏拉圭

幾經波折，美洲國家盃終於開打，巴西成為今屆主辦國，同上屆一模一樣，唔通真係個天注定要巴西成功冧莊？

先講賽制，美洲盃10支球隊分2組，每組5隊踢單循環，前4名都可以晉級8強，同分就先計得失球差、較多入球、再之後先係對賽。分組形勢方面，經過調動後，依家B組係主辦國巴西、哥倫比亞、厄瓜多爾、秘魯同委內瑞拉；A組就係阿根廷、智利、烏拉圭、巴拉圭同玻利維亞，大家玩小組首名嗰陣要留意喇。

B組嚟講，巴西一枝獨秀，最大勁敵哥倫比亞冇咗占士洛迪古斯，同斷臂冇咩分別，而委內瑞拉、秘魯同厄瓜多爾都唔入流，呢組無謂拗頸，小組首名熱捧巴西。

至於A組就要提防爆冷，阿根廷表面睇有美斯、阿古路呢啲球星，但實情佢哋近態好差，連續2場世盃外失分，就算係上屆美洲盃，阿根廷唔單止冇首名，仲幾乎出局咁滯；而智利亦走晒樣，反而烏拉圭誠意十足，上屆亦係首名出線，今屆B組首名不妨吼烏拉圭。

由於兩組首名分列上下線，即係要決賽先碰頭，冠軍兼投巴西及烏拉圭。