操弗迎歐國盃　艾朗藍斯自聘教練團隊

足球博彩神器，每日重心提供盡在《彩報》：http://win.on.cc/football/　

上屆歐國盃4強份子威爾斯，今屆力爭再創佳績，兩大巨星加里夫巴利同艾朗藍斯表現舉足輕重。艾朗藍斯近2季喺祖雲達斯傷多過踢，令人擔心佢狀態會有問題，不過呢位30歲球星就表示，佢已聘請一支教練團隊幫手，希望以為佢度身訂造嘅訓練，確保可以以最高狀態迎接歐國盃。

艾朗藍斯自從2年前轉投祖雲達斯後，只係喺意甲踢過24次正選，艾朗藍斯表示：「近2年有好多轉變令我好難適應，足球係團隊運動，球員都要做同一樣嘅訓練，但有時有啲球員係需要額外照顧，所以最後我決定請自己嘅教練團隊，集中設計針對我嘅訓練，幫我保持最佳狀態。」

威爾斯周六(12日)會喺首場分組賽對瑞士，艾朗藍斯就缺席賽前操練，不過呢位中場就解釋缺席只係預先安排好嘅休息，佢並冇受到傷患困擾，有信心可以健康完成3場分組賽。