美斯朋友隊成軍！阿根廷強陣爭美洲盃

阿根廷周五(11日)早上公布美洲國家盃參賽名單，共有28人，陣容星光熠熠，只有祖雲達斯嘅保羅戴巴拿落選，睇嚟隊長美斯真係好有決心爭冠軍！

阿根廷國家隊成日畀人笑係「美斯朋友隊」，今次都唔例外，繼續由美斯領軍，佢身邊有迪馬利亞、阿古路、拿達路馬天尼斯、奧達文迪等等。

有美斯喺度，好多時保羅戴巴拿同莫路伊卡迪都冇運行，今次點兵果然又冇佢兩個，不過較為意外嘅係竟然冇維拉利爾後衞祖安科夫、英冠MVP貝安迪亞，仲有阿特蘭大嘅柏洛文奴都落選，反而阿特蘭大隊友基斯甸羅美路傷咗都照入選。

可見呢份名單，話就話領隊史卡朗尼揀嘅，但美斯嘅意見都好重要囉。