擾攘多時 西班牙大軍完成接種疫苗 

2021年06月11日 20:30
東網電視
更多新聞短片
前鋒謝拉特摩蘭奴當然亦有現身。(西班牙足總圖片)
即上歐國盃專頁,每日重心提供盡在《彩報》:https://win.on.cc/
西班牙最近係歐國盃開打前夕爆發疫情,為左安全著想,足總早前已經同衞生部達成協議,一眾職球員當地時間周五(11日)朝早10點正式「打針」。由衞生人員根據佢哋嘅身體狀況,即場注射強生(Janssen)或者輝瑞(Pfizer)其中一款疫苗。
西班牙政府早前唔批准球員接種疫苗,中場布斯基斯,以及後衞迪亞高洛蘭迪接連確診,好多政黨隨即批評西班牙衞生部,以及政府管理層嘅做法,最終衞生部決定容許所有職球員接種疫苗。但今次注射疫苗過程就引嚟領隊安歷基不滿,佢認為「打針」時間太趕,擔心疫苗副作用會影響球員表現。
就球員需要接種疫苗一事,西班牙衞生部喺一份聲明中解釋:「這次疫苗接種的目的是讓西班牙國家隊,在安全的情況下參加歐國盃,並令球員們與其他已經完成注射疫苗的國家隊伍,在平等條件下競爭。」