認揭幕戰難踢　文仙尼目標殺入決賽

即上歐國盃專頁，每日重心提供盡在《彩報》：https://win.on.cc/

意大利周六凌晨上演歐國盃A組揭幕戰，於首都羅馬對陣土耳其。主帥文仙尼賽前出席記者會，承認第一場比賽一定係最難踢，但相信球隊可以殺入歐國盃決賽！

「係時候為意大利國家隊球迷帶嚟快樂，依個係全隊上下今個月目標，我哋已經準備好，並會付出一切。」文仙尼承認第一場比賽一定係最難踢，加上土耳其球員好有天賦，預計會遭受一定壓力，希望球隊能夠係精神上保持輕鬆，諗辨法做好自身工作，踢出開心足球。佢強調相比3年前岩岩執掌意大利，自己依家對球隊更有信心，相信可以殺入今屆歐國盃決賽！

今場賽事歐洲足協淨係畀16,000名球迷入場，文仙尼坦言感到遺憾，認為球場內最好應該有更多人觀戰，幫球隊注入更多動力。除此之外羅馬中場羅倫素柏歷堅尼早前因傷退隊，文仙尼亦表示相當可惜：「柏歷堅尼係一名重要嘅球員，可以踢到好多位置，直到受傷前一日佢都仲很好，希望可以盡快康復。」