等足45年恨到出面 捷克預測自己贏法德捧盃

2021年06月11日 22:05
東網電視
更多新聞短片
即上歐國盃專頁,每日重心提供盡在《彩報》:https://win.on.cc/
歐國盃周六凌晨開打,邊隊攞冠軍大家有冇心水,捷克就喺自己國家隊官網預測今屆走勢,捷克將會同德國爭冠軍,呢個決賽組合你哋又點睇?
捷克國家隊官網發文,上面寫住:「歐國盃今晚開波,揭幕戰A組意大利對土耳其!」跟住再有張圖片,預測埋今屆冠軍,仲寫住:「呢個奪冠預測都幾準,對嗎?祝所有參賽球隊都好運!」
根據圖表顯示,捷克先贏大熱門法國,再淘汰斯洛伐克,跟住寫埋荷蘭入決賽,另邊廂佢哋就話德國4強踢走意大利,然後同捷克爭冠軍,最後當然係話捷克捧盃啦。
其實捷克都贏過歐國盃架,76年當時叫做捷克斯洛伐克決賽對住前西德,雙方法定時間打成2比2,但最後捷克贏12碼5比3,捧走冠軍,而96年佢哋又係決賽對住德國,加時輸黃金入球1比2飲恨;所以佢哋極之希望可以喺決賽再鬥德國贏番鋪。