洛蘭迪「英雄式」歸隊 布斯基斯將復出

2021年06月12日 12:00
東網電視
更多新聞短片
即上歐國盃專頁,每日重心提供盡在《彩報》:https://win.on.cc/ 
西班牙喺歐國盃前爆出疫情恐慌,不過情況似乎已經逐漸好轉,大軍周五(11日)接種疫苗後,早前一度確診嘅中堅迪亞高洛蘭迪,經過連續4次檢測都係冇確診,亦都正式回歸球隊集訓營,一眾球員更加分成兩排列隊歡迎呢位列斯聯球星回歸,如無意外佢可以喺下周二(15日)凌晨對瑞典嘅首場分組賽候命。
除迪亞高洛蘭迪回歸之外,領隊安歷基亦預期布斯基斯好快就會歸隊:「我哋會等佢,布斯基斯唔會退隊,佢並冇出現任何徵狀,可以自己操練保持狀態,希望最後只係虛驚一場。」布斯基斯確診後最少隔離10日,意味首場對分組賽肯定唔踢得,但安歷基就有信心佢可以喺之後兩輪賽事候命。