再鬥哈利卡尼 克羅地亞射手:令佢再次心碎

2021年06月12日 16:05
東網電視
更多新聞短片
即上歐國盃專頁,每日重心提供盡在《彩報》:https://win.on.cc/ 
英格蘭將於周日(13日)晚上迎戰克羅地亞,上演歐國盃D組首輪賽事。賽前克羅地亞前鋒般奴柏高域就公開「串爆」哈利卡尼,揚言要繼歐霸盃16強次回合反勝熱刺後,令呢名英格蘭前鋒再次心碎。
克羅地亞前鋒般奴柏高域,同時係國內班霸薩格勒布戴拿模嘅主力射手,球隊於今屆歐霸盃16強硬撼熱刺,當中首回合落後2球嘅情況下,次回合反勝呢支英超勁旅3球,最後成功晉級。哈利卡尼係次回合浪費咗唔少機會,今次雙方再度交手,「勝利者」般奴柏高域當然忍唔住「串爆」佢。
般奴柏高域係出發去比賽場地之前,接受記者訪問提到:「個晚令我有好深刻印象,係我球會史上最閃亮嘅一刻。我依家狀態正佳,好想再次擊敗哈利,如果係國家隊層面都可以成功,咁就太好啦,我要令佢再次心碎。」
26歲嘅般奴柏高域身高達1米93,制空能力甚強,被譽為老將文迪蘇傑接班人,2019年3月獲首頂喼帽,今季各項賽事上陣42次,分別射入14球兼交出11次助攻。