摩連奴揀英格蘭最佳陣容　修夫基學嘢啦

即上歐國盃專頁，每日重心提供盡在《彩報》：https://win.on.cc/　

葡萄牙名帥摩連奴曾經執教車路士、曼聯、熱刺，英國傳媒不忘搵佢獻計，幫手揀選英格蘭最佳正陣容，「寸王」認為英格蘭應該排出433陣式，由哈利卡尼、菲爾科頓、基亞利殊組成鋒線。

摩連奴揀咗曼聯門將甸恩軒達臣把關，4位後衞分別係基爾獲加、史東斯、泰朗明斯、芝維爾。3位中場分別係美臣蒙特、迪格蘭賴斯、加雲菲臘斯。鋒線由哈利卡尼、菲爾科頓、基亞利殊組成。

摩連奴話：「哈利卡尼係無人可代替，基亞利殊亦應該穩佔正選，佢最佳位置係左翼。我覺得拉舒福特都可以踢左翼，但踢右翼就完全唔掂，所以基亞利殊更勝一籌，佢令我諗起費高，我非常喜歡佢，右邊就係菲爾科頓，美臣蒙特可以踢10號位。」呢個正選陣容攻守兼備，值得英格蘭主帥修夫基參考一下。