歐國盃後攤牌 迪基亞:無正選就離隊

2021年06月12日 20:00
東網電視
更多新聞短片
(Getty images)
即上歐國盃專頁,每日重心提供盡在《彩報》:https://win.on.cc/ 
曼聯2大門神迪基亞同甸恩軒達臣,正分別替西班牙、英格蘭出戰歐國盃賽事。曼聯門將位置競爭激烈,唔少曼聯球迷都認為,下個球季好難再要求2人同時留隊,倒不如領隊蘇斯克查透過今屆歐國盃,好好觀察佢哋表現,及早決定留低邊個。
據報迪基亞係曼聯嘅未來仲係未知數,因為蘇斯克查仲未同佢傾過下季計劃,迪基亞表示只有蘇斯克查親口向他承認,甸恩軒達臣係曼聯下季1號門將,自己先會尋求離隊。迪基亞今屆好大機會繼續成為西班牙1號門將,相反甸恩軒達臣就仲要同比克福特爭,睇嚟迪基亞係依方面會佔到多啲優勢。
《曼徹斯特晚報》早前就正選門將一事訪問球迷,結果調查顯示有62%球迷支持甸恩軒達臣新賽季擔任曼聯1號門將,但迪基亞周薪高達35萬鎊,即使佢決定離隊,肯接水嘅球會都未必好多。