曾預言拜登當選 全英最聰明狗仔貼邊隊贏?

20210612
東網電視
更多新聞短片
最強博彩盤路過關神器《串績王》:http://win.on.cc/football/ 
仲記得2010南非世盃,八爪魚保羅嘅「神預言」嘛?當時佢準確預測8場賽果成為一時佳話。11年後嘅今日,一隻曾準確預測拜登勝選、車路士贏歐聯嘅狗仔,就預言英格蘭喺周日(13日)嘅歐國盃D組分組賽會贏克羅地亞,就睇佢嘅預言準唔準啦!
呢隻名為神奇柳樹(Willow The Wonder Dog)嘅可卡犬,識得由1數到10,仲識串出佢個英文名同辨認到形狀,被認為係英國最聰明嘅狗。神奇柳樹更加曾經準確預測拜登勝出美國總統選舉、約翰遜帶領保守黨勝出英國大選,以及車路士擊敗曼城贏得歐聯冠軍。
日前佢主人佩詩就搵柳樹預測英格蘭首場歐國盃賽事,喺佢面前擺咗3個兜,上面分別放有英格蘭、克羅地亞同雙方打和嘅旗幟,結果柳樹諗都唔諗就衝咗去英格蘭贏嗰邊,預言英格蘭會旗開得勝!佩詩就話:「相信英格蘭擁躉會鬆一口氣,因為柳樹從來冇做過神燈!」